Plantun de Prouvènço

Pèr coumpara dos planto d'encò nostre

Xanthium strumarium & Stellaria nemorum subsp. montana

Lampourdoun

Xanthium strumarium

Asteraceae Compositae

Àutri noum : Lapeto, Gafarot.

Noms en français : Glouteron, Lampourde commune.

Descripcioun :
Lou lampourdoun èi lou mens coumun di tres Xanthium de Prouvènço. Si fuieo, verdo e de formo de triangle, an un long pecout. Se destrìo de Xanthium orientale que fai de fru pu pichot (< 1,5 cm) e qu'an mens d'espino.

Usanço :
La planto es empouisounanto pèr li bèsti e peréu lis ome. Caup de carbossiatratiloside proun dangeirous. S'atrovo dins la medecino tradiciounalo chineso e d'americo. Lis amerendian se servon di grano en emplastro pèr sougna li plago.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Xanthium
Famiho : Asteraceae
Famiho classico : Compositae

Coulour de la flour : Verdo
Petalo : >6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Ribiero
Estànci : Termoumediterran à Coulinen
Couroulougi : Pancaro entresigna
Ref. sc. : Xanthium strumarium L., 1753

Esteleto(-de-mountagno)

Stellaria nemorum subsp. montana

Caryophyllaceae

Nom en français : Stellaire à graines barbues.

Descripcioun :
L'esteleto-de-mountagno trachis dins li bos fres. Sèmblo un mourihoun en mai grand (petalo mai longo que sepalo) ; coume éu la tijo èi roundinello, mai eici èi peludo. Li fueio de la baso soun en cor emé un long pecou au contro di bratèio qu'embrasson quàsi la cambo. Dins la subsp. nemorum li bratèio en formo de fueio soun de mai en mai pichoto à flour e mesuro que mountas dins la planto, alor qu'eici tre li segoundo s'atrovon èstre tóuti pichoto. Apoundèn que li fueio soun eici mai verdo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 20 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 15 à 20 mm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Jun à avoust

Liò : Bos fres - Prado à rousèu - Prado umido
Estànci : Mountagnard à Subaupen
Couroulougi : Éurosiberiano
Ref. sc. : Stellaria nemorum subsp. montana (Pierrat) Berher, 1887

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Xanthium strumarium & Stellaria nemorum subsp. montana

ges

Coumpara Lampourdoun emé uno autro planto

Coumpara Esteleto(-de-mountagno) emé uno autro planto